მიუნხენის “ბაიერნის” გარემარბმა არიენ რობენმა განაცხადა, რომ ფრანგულ “პარი სენ-ჟერმენში” გადასვლას არ გეგმავს. რამდენადაც ცნობილია, პარიზელებს ჰოლანდიელის გადაბირების დიდი სურვილი აქვთ.

“ნებისმიერ ფეხბურთელს სიამოვნებს, როცა დიდ კლუბებთან აკავშირებენ. ამ შემთხვევაში, ყველას მოეხსენება, რომ “ბაიერნში” ბედნიერი ვარ. პრესაში გავრცელებულ ხმებზე ვერაფერს ვიტყვი. სადღეისოდ, 100%-ით “ბაიერნზე” ვარ კონცენტრირებული და პსჟ-ში გადასვლაზე არ ვფიქრობ”, - უთხრა რობენმა Bild-ს.

ცნობისათვის, რობენს “ბაიერნთან” კონტრაქტი 2015 წლამდე აკავშირებს.