არიენ რობენი არ ეთანხმება მოსაზრებას, რომლის თანახმადაც, პეპ გვარდიოლას გუნდში მისვლის შემდეგ, “ბაიერნი” “ბარსელონას” დაემსგავსა.
“ბაიერნი “ბარსელონა 2” არაა. შედარება ლოგიკურია, მაგრამ აქცენტი საკუთარ თავზე უნდა გავაკეთოთ.
ჩვენ “ბაიერნი” ვართ. ჩავი და მესი არ გვყავს, მაგრამ ჩვენთან სხვა დიდი ფეხბურთელები თამაშობენ.
მწვრთნელს თავისი ფილოსოფია აქვს, რომლის ჩვენთვის გადმოცემასაც ცდილობს. მან ეს “ბარსელონაში” გააკეთა და იგივეს “ბაიერნშიც” ცდილობს.
“ბარსელონას” სტილში არ ვთამაშობთ. “ბაიერნს” საკუთარი სტილი აქვს, ხოლო გვარდიოლა მას საუკეთესედ იყენებს.” – ციტირებს რობენის სიტყვებს Goal-ი.
