მსოფლიო რეიტინგის მეათე ჩოგანმა რიშარ გასკემ, დამაჯერებელი სტარტი აიღო საფრანგეთის ღია პირველობაზე. ტურნირის პირველ რაუნდში, კორტების მასპინძელმა ყველანაირი პრობლემების გარეშე დაამარცხა 27 წლის სერგეი სტახოვსკი - 6:1, 6:4, 6:3 და მომდევნო ეტაპის საგზურიც მოიპოვა.

მატჩი 1 საათსა და 31 წუთს გაგრძელდა და ამ დროის განმავლობაში, რიშარმა 6 ბრეიკპოინტი გამოიყენა წარმატებით, 3 ეისი ჩააწოდა, 26 ვინერსი შეასრულა და 13 უნებლიე შეცდომა დაუშვა, მისმა მეტოქემ კი, მხოლოდ 1 ბრეიკი შეასრულა, 1 ორმაგი შეცდომა დაუშვა და 1 ეისი ჩააწოდა.

დღევანდელი შეხვედრა, ამ ჩოგბურთელთა ურთიერთდაპირისპირებათა ისტორიაში რიგით მეოთხე გამოდგა და გასკე წინ გახლავთ - 3:1.

როლან გაროს მეორე წრის შეხვედრას, 26 წლის ფრანგი ზეგ გამრთავს და მისი მეტოქე პოლონელ მიხაილ პრჟიშიესნის და ამერიკელ რაიან უილიამსს შორის გამარჯვებული იქნება.