მძიმე ტრავმის მოშუშების შემდეგ, მიუნხენის "ბაიერნის" ერთ-ერთი ლიდერი ფრანკ რიბერი ბუნდესლიგას გატანილი გოლით დაუბრუნდა.

"ალიანს არენაზე" გამართულ შეხვედრაში ფრანგი შემტევი "შტუტგარტის" წინააღმდეგ 68-ე წუთზე გიოტცეს ნაცვლად შევიდა და 85-ზე ლევანდოვსკის გადაცემით საბოლოო ანგარიში - 2:0 - დააფიქსირა.

შეგახსენებთ, რომ ფრანკ რიბერიმ ბუნდესლიგაში ბოლოს, 2013/14 წლების სეზონში ითამაშა - 26 აპრილს, "ვერდერის" წინააღმდეგ მოგებულ მატჩში (5:2) ერთი გოლის ავტორიც გახდა.

მას შემდეგ, რიბერის ზურგის მძიმე ტრავმა აწუხებდა. საბოლოოდ, ფრანგს ბრაზილიაში გამართული მსოფლიო ჩემპიონატის გამოტოვებაც მოუხდა. მუნდიალის დასრულების შემდეგ კი, სანაკრებო კარიერაც დაასრულა.

გიორგი ბალახაძე