საფრანგეთის ეროვნული ნაკრების ნახევარმცველი ფრანკ რიბერი თავის გუნდს მსოფლიოს 2014 წლის ჩემპიონატზე დაეხმარება. ფრანგული მედიის ცნობით, ტრავმის მიუხედავად, “მამლების” დამრიგებელმა დიდიე დეშამმა მიუნხენის “ბაიერნის” გარემარბი 23-კაციან განაცხადში შეიყვანა.
მოგეხსენებათ, რიბერის ზურგის ტკივილები აწუხებს და ამის გამო, მას ნორვეგიისა და პარაგვაის ნაკრებებთან ამხანაგური მატჩების გამოტოვება მოუწია.
ფრანგები მსოფლიოს ჩემპიონატზე ასპარეზობას 15 ივნისს, ჰონდურასის ნაკრებთან მატჩით დაიწყებენ.
