საფრანგეთის ნაკრები შეკრებაზე კლერფონტენის ბაზაზე იმყოფება. დიდიე დეშამის შეგირდებს 15 და 19 ნოემბერს მსოფლიო ჩემპიონატის შესარჩევი პლეი ოფი ელოდებათ უკრაინის ნაკრებთან. პრესკონფერენციაზე აზრი სამფეროვანთა ლიდერმა ფრანკ რიბერიმაც გამოთქვა: “წინ ორი ძალიან რთული მატჩი გველის და მეტოქის შეუფასებლობა არაფრით შეიძლება, - განაცხდა “ბაიერნის” ვარსკვლავმა, -  უკრაინელები ცოტა გოლს უშვებენ საკუთარ კარში და ძალიან სახიფათონი არიან კონტრშეტევებზე. მაგრამ უკრაინაში მხოლოდ გასამარჯვებლად ჩავდივართ, ამისათვის ჩვენ საკმაოდ მომზადებული გუნდი გვყავს. საკუთარ თავზე კი გეტყვით, რომ ასეთი ძლიერი არასდროს ვყოფილვარ. ახლა მართლა უმაღლეს დონეზე ვთამაშობ და ვფიქრობ, ჩემი წელიწადია. მჯერა, რომ ნაკრებშიც ყველაფერი კარგად იქნება.”