ლონდონის “არსენალის” ნახევარმცველი აარონ რემზი გუნდს უახლოესი 4-6 კვირის განმავლობაში ვერ დაეხმარება. ამის მიზეზი ერთ-ერთ ვარჯიშზე მიღებული ტრავმაა.

რემზი გასული წლის 26 დეკემბრის შემდგე უქმობს. მან კუნთის ტრავმა ცოტა ხნის წინათ მოირჩინა, მაგრამ პირველივე ვარჯიშზე დაზიანება კვლავ მიიღო და როგორც გაირკვა, გუნდს ოთხიდან ექვს კვირამდე ვადით გამოაკლდა.

აარონ რემზი პრემიერლიგაში “კრისტალ პალასის”, “ლივერპულის”, “მანჩესტერისა” და სანდერლენდის”, ასოციაციის თასზე “ლივერპულის”, ხოლო ჩემპიონთა ლიგაზე “ბაიერნის” წინააღმდეგ ვერ ითამაშებს. შესაძლოა, ის გუნდს პრემიერლიგის კიდევ 3 მატჩში და “ბაიერნთან” გასამართ განმეორებით შეხვედრაშიც ვერ დაეხმაროს.