ლონდონის “არსენალის” ტრავმირებული ნახევარმცველი აარონ რემზი მწვანე მინდორს ორ კვირაში დაუბრუნდება. ამის შესახებ “მეთოფეთა” თავკაცმა არსენ ვენგერმა განუცხადა ბრიტანულ მედიას.

“რთულია ითამაშო, როცა ნახევარი გუნდი ლაზარეთში გყავს. კოშელნი დიდი ხნით გამოგვაკლდა, იოზილის დაბრუნებამდეც 2-3 კვირაა დარჩენილი. მათზე ადრე რემზი დაბრუნდება. მის მწყობრში ჩადგომას ორი კვირა სჭირდება. უნდა დავრწმუნდეთ, რომ აარონს ტრავმა არ გაურთულდება”, - განაცხადა ვენგერმა.

შეგახსენებთ, რომ რემზი დეკემბრის მიწურულს დაშავდა და მას შემდეგ უქმადაა.