ფრანგი ფორვარდი ლოიკ რემი უახლოეს პერიოდში “ლივერპულის” სრულფასოვანი წევრი გახდება. “სკაი სპორტსის” ცნობით, საფრანგეთის ეროვნული ნაკრების თავდამსხმელმა მერსისაიდელთა რიგებში სამედიცინო შემოწმება უკვე გაიარა.
რემის სანაცვლოდ, “ქუინზ პარკ რეინჯერსი” “ლივერპულისგან” 8.5 მილიონ ევროს მიიღებს. სავარაუდოდ, ტრანსფერი ოფიციალურად ხუთშაბათს გამოცხადდება.
შეგახსენებთ, რომ გასულ სეზონში, რემი იჯარის წესით “ნიუკასლში” თამაშობდა, სადაც 26 მატჩი ჩაატარა და 14 გოლის ავტორი გახდა.
