დიდი ალბათობით, 27 წლის ფრანგი ფორვარდი ლოიკ რემი კარიერას “ლივერპულში” განაგრძობს. ბრიტანული მედიის ცნობით, თავდამსხმელმა მერსისაიდელთა რიგებში სამედიცინო შემოწმება უკვე გაიარა.
რემი გასულ სეზონში “ნიუკასლში” იჯარით თამაშობდა, მაგრამ “ქუინზ პარკ რეინჯერსის” საკუთრება გახლავთ. როგორც ირკვევა, ქპრ-ს ხელმძღვანელებმა ფრანგს “ლივერპულელებთან” ბოსტონში ჩასვლის ნება დართეს. აშშ-ში მერსისაიდელთა შეკრება მიმდინარეობს, სადაც რემიმ სამედიცინო შემოწმება წარმატებით გაიარა.
სავარაუდოდ, “ლივერპულს” რემის ტრანსფერი 8.5 მილიონი გირვანქა დაუჯდება.
