ინგლისური “ლივერპულიდან” იტალიურ “ნაპოლიში” განათხოვრებული პეპე რეინა აცხადებს, რომ მიმინარე სეზონის ბოლოს, ის აუცილებლად მერსისაიდულ გუნდში დაბრუნდება.
“მინდა ყველას ახსოვდეს, რომ მიმდინარე სეზონში, ჩემს მთელს ენერგიას “ნაპოლის” მოვახმარ, მაგრამ არენდის ხელშეკრულების დასრულების შემდეგ, აუცილებლად “ლივერპულში” დავბრუნდები.” – ციტირებს რეინას სიტყვებს Football Italia.
ბოლო დროს, რეინას სახელი მის ყოფილ კლუბს, “ბარსელონას” არაერთხელ დაუკავშირეს. ესპანელი მეკარის მამამ დაადასტურა კიდეც, რომ გასულ ზაფხულში, მის შვილსა და კატალონიელებს შეთანხმებაც ჰქონდათ, მაგრამ ტრანსფერი ვიქტორ ვალდესის “ბარსელონაში” კიდევ ერთი წლით დარჩენის გამო არ შედგა. მას შემდეგ, რეინას კატალონიაში დაბრუნების საკითხი კვლავ განიხილებოდა, მაგრამ როგორც ჩანს, 31 წლის კარის დარაჯი კარიერას “ლივერპულში” განაგრძობს.
