ინგლისური “ლივერპულის” მეკარე პეპე რეინას, რომელიც იჯარის წესით იტალიურ “ნაპოლიში” ასპარეზობს, კატალონიის “ბარსელონაში” დაბრუნება სურს. “ბლაუგრანას” აღზრდილი მეკარე მომდევნო სეზონიდან ვიქტორ ვალდესის ადგილის დაკავებაზე ფიქრობს.
“ბარსელონაში” დაბრუნება ბრწყინვალე იქნებოდა. ბედნიერი ვარ, რომ ჩემი სახელი “ბარსას” მომავალი მეკარეების სიაში ფიგურირებს. ჯერჯერობით, კატალონიელებთან არაფერზე შევთანხმებულვარ. ვიცი, რომ “ბარსელონა” მოლაპარაკებებს ბევრ მეკარესთან აწარმოებდა, მაგრამ შემდეგ სია შეამცირა. ვნახოთ, რა მოხდება გაისად”, - განუცხადა რეინამ Goal-ს.
ცნობისათვის, “ლივერპულთან” რეინას კონტრაქტს ვადა 2016 წელს ეწურება.
