ინგლისის პრემიერლიგაში დაბრუნებული "ქუინზ პარკ რეინჯერსის" მთავარმა მწვრთნელმა ჰარი რედნაპმა "მანჩესტერ იუნაიტედის" აწ უკვე ყოფილი მცველის რიო ფერდინანდის ტრანსფერი დაადასტურა.

"ფერდინანდი შეგვითანხმდა და მუნდიალის დასრულების შემდეგ შემოგვიერთდება. ჩვენ მოხარულები ვართ მისი დამატებით, მე რიოს ძალიან კარგად ვიცნობ, "მანჩესტერიდან" წამოსვლის დროს, ასაკის მიუხედავად ფერდინანდი მაინც მაღალ დონეზე თამაშობს და ჩვენ გუნდში მას გარანტირებული ადგილი აქვს"_ განაცხადა რედნაპმა.

შეგახსენებთ, რომ რიო ფერდინანდი ინგლისელ სპეციალისტს "ვესტ ჰემში" თამაშის პერიოდიდან იცნობს. რედნაპმა 1996 წელს ინგლისის ეროვნული ნაკრების ყოფილ მცველს პრემიერლიგაში დებიუტის საშუალება მისცა.

გიორგი ბალახაძე