“ქუინს პარკ რეინჯერსის” მთავარი მწვრთნელი ჰარი რედნაპი ადასტურებს, რომ მისი გუნდის თავდამხსმელი ლოიკ რემი კარიერას “ჩელსიში” განაგრძობს.

“რემი ქპრ-ს ტოვებს. ტრანსფერი თითქმის დასრულებულია. როგორც ვიცი, ის კარიერას “ჩელსიში” განაგრძობს.” – ციტირებს რედნაპის სიტყვებს BBC.

“ჩელსის” დამრიგებელი ჟოზე მოურინიო კი აცხადებს, რომ მისი გუნდი ფერნანდო ტორესის შემცვლელს საზღვარგარეთ ეძებს: “რას მოვიმოქმედებთ ტორესის წასვლის შემდეგ? მისი შემცვლელის საზღვარგარეთ მოძებნას შევეცდებით. ინგლისის ჩემპიონატში ვერ ვხედავ თავდამსხმელს, რომელიც გაგვაძლიერებს და რომელსაც მისი ამჟამინდელი კლუბი გაყიდის.”