მადრიდის “რეალი” გელზენკირხენის “შალკეს” ახალგაზრდა ნახევარმცველის – იულიან დრაქსლერის შეძენითაა დაინტერესებული. ამის შესახებ Marca იუწყება.

აღნიშნული წყაროს ინფორმაციით, მადრიდელი სკაუტები უკვე რამდენიმე მატჩია, 19 წლის გერმანელს აქტიურად აკვირდებიან. “სამეფო კლუბი” დრაქსლერის სანაცვლოდ “შალკეს” 17 მილიონ ევროს შესთავაზებს.

ჯერჯერობით, გერმანელები შესაძლო ტრანსფერთან დაკავშირებით კომენტარს არ აკეთებენ.

ცნობისათვის, გერმანიის ბუნდესლიგის მიმდინარე გათამაშებაში, დრაქსლერმა 26 მატჩი ჩაატარა და 8 გოლის ავტორი გახდა.