მადრიდის “რეალი” მზადაა, ნახევარმცველ ჩაბი ალონსოს მსურველი კლუბების შეთავაზებები განიხილოს. Marca-ს მიერ გავრცელებული ინფორმაციის თანახმად, “სამეფო კლუბსა” და ფეხბურთელს შორის არსებულ კონტრაქტს, ვადა მომავალი წლის ზაფხულში ეწურება, მაგრამ ხელშეკრულებას, სავარაუდოდ, აღარ გაახანგრძლივებენ, ფეხბურთელის ჯანმრთელობის მდგომარეობის გამო.
ჩაბი ალონსოს საზარდული აწუხებს და ივნისში ოპერაციაც გაიკეთა, მაგრამ მწყობრში ჩადგომა ვერა და ვერ მოახერხა. ახლახან, ესპანურმა სააგენტოებმა დაწერეს, რომ “რეალის” ფეხბურთელის შეძენით “ლივერპული” და “იუვენტუსი” არიან დაინტერესებულნი.
