მადრიდის "რეალი", გუნდის ერთ-ერთი ლიდერის, ჩაბი ალონსოს დისკვალიფიკაციას უეფაში გაასაჩივრებს.

მოგეხსენებათ, ესპანელმა ფეხბურთელმა გასული სეზონის ჩემპიონთა ლიგის ფინალი ყვითელი ბარათების ლიმიტის ამოწურვის გამო გამოტოვა. "ატლეტიკოსთან" გადამწყვეტ ბრძოლაში ალონსოს მოედანზე შესვლის უფლება არ ჰქონდა, თუმცა ფეხბურთელი გარეთ ბეილის გატანილი გოლის შემდეგ (2:1), სიხარულისგან მოედანზე მაინც შევარდა. შედეგად, 32 წლის ნახევარმცველმა ევროტურნირებზე ერთმატჩიანი დისკვალიფიკაცია მიიღო.

მადრიდის "რეალი" 12 აგვისტოს, კარდიფში, ევროპის სუპერთასის მატჩს გამართავს "სევილიის" წინააღმდეგ. სამეფო კლუბი იმედოვნებს, რომ უეფა მათ თხოვნას გაგებით მოეკიდება და ესპანელ ფეხბურთელს მნიშვნელოვან შეხვედრაში მონაწილეობის უფლებას მისცემს.

გიორგი ბალახაძე