ესპანეთის პრიმერა დივიზიონის “რეალ სოსიედადი” ახალი სეზონის წინ მექსიკელი ნახევარმცველით, ჯონათან დოს სანტოსით გეგმავს გაძლიერებას.
23 წლის მექსიკელმა ვერა და ვერ მოახერხა კატალონიური “ბარსელონას” პირველ გუნდში ადგილის დამკვიდრება, პრიმერა დივიზიონის გასულ სეზონში მხოლოდ სამ მატჩში მიიღო მონაწილეობა და სამივეჯერ შეცვლაზე ითამაშა. დიდია ალბათობა იმისა, რომ დოს სანტოსს მეტი სათამაშო პრაქტიკა არც მომავალ სეზონში ექნება და ამიტომ, ის გუნდის გამოცვლას სერიოზულად გეგმავს.
Football Espana-ს ცნობით, ჯონათანმა “რეალ სოსიედადს” მათ რიგებში გადასვლასთან დაკავშირებით თანხმობა უკვე განუცხადა. ახლა ჯერი კლუბების შორის შეთანხმებაზეა. “სოსიედადი” ეცდება, რომ მექსიკელი ერთწლიანი არენდის წესით დაიმატოს.
