მადრიდის “რეალის” ლეგენდა რაულ გონსალესი იმედს გამოთქვამს, რომ “სამეფო კლუბის” ამჟამინდელი ლიდერი კრიშტიანუ რონალდუ არსად წავა და ფეხბურთის თამაშს ესპანეთის დედაქალაქში განაგრძობს.
“რონალდუ “რეალის” ფეხბურთელია და ვთვლი, რომ მომავალშიც ასე იქნება. კრიშტიანუ შესანიშნავი მოთამაშე და ბრწყინვალე პროფესიონალია. პორტუგალიელთან ერთად ერთი წლის განმავლობაში ვთამაშობდი და მისით აღფრთოვანებული ვიყავი.” – აცხადებს რაული Le 10 Sport-თან საუბრისას.
შეგახსენებთ, რომ ბოლო დროს გავრცელებული ინფორმაციის თანახმად, “რონალდუს” კარიერის “პარი სენ ჟერმენში” გაგრძელების, ან “მანჩესტერ იუნაიტედში” დაბრუნების შანსი აქვს.
