რაფა ნადალი საფრანგეთის ღია პირველობის ფინალში ოთხსაათნახევრიან მატჩში რეიტინგსიის ლიდერის ნოვაკ ჯოკოვიჩის დამარცხების შემდეგ გავიდა. შარშანდელი “როლანდ გაროსის” ფინალისტები წლეულს ნახევარფინალში “გავიდნენ ერთმანეთზე” და როგორც გასულ წელს, ამჯერადაც მალიორკელმა იმარჯვა - 6:4, 3:6, 6:1, 6:7, 9:7.

მატჩი გულშემატკივრებისთვის მეტად საინტერესოდ წარიმართა. რაფამ 8 ბრეიკი და 6 ეისი განახორციელა და ჯოკოვიჩთან პირადი შეხვედრების ანგარიში 20:15 გახადა.

“როლან გაროსის” შვიდგზის ჩემპიონმა რაფამ საფრანგეთის ღია პირველობაზე თავისი 58-ე მოგება იზეიმა და ამ მაჩვენებლით როჯერ ფედერერსა და არგენტინელ გილერმო ვილასს გაუსწორდა. ნადალს ბულონის ტყის კორტებზე ერთადერთი მარცხი აქვს განცდილი – 2009 წელს მალიორკელს მეოთხე წრეში შვედმა რობინ სოდერლიგმა მოუგო.