ეროვნული საფეხბურთო ჩემპიონატის მე-16 ტური შაბათს დაიწყო. თუმცა დღეს მხოლოდ ერთი თამაში გაიმართა. გორში “დილამ” “ზესტაფონს” უმასპინძლა და 3:1 დაამარცხა. დანარჩენი შეხვედრები კვირას ჩატარდება. რაც შეეხება გორულ მატჩს. პირველ ტაიმში ზესტაფონელები უფრო ყოჩაღობდნენ და აკი კაჭკაჭიშვილის გოლით იგებდნენ კიდეც. მაგრამ მეორეში მასპინძლებმა აშკარად აჯობეს სტუმრებს და ამაში დიდი წვლილი შეცვლაზე შესულმა გიორგი ქვილითაიამ შეიტანა. საქართველოს 21-წლამდელთა ნაკრების შემტევმა დუბლი ხომ მიითვალა და კიდევ რამდენჯერმე გაამწვავა თამაში. კიდევ ერთი გოლი გორელთაგან თეიმურაზ ღონღაძის ანგარიშზეა. ამ გამარჯვების შემდეგ გორელებმა სატურნირო ცხრილში მე-3 ადგილზე აინაცვლეს.

დილა (გორი) – ზესტაფონი 3:1 (0:1)

გოლები: 0:1 გიორგი კაჭკაჭიშვილი (30), 1:1 გიორგი ქვილითაია (58), 2:1 თეიმურაზ ღონღაძე (62), 3:1 გიორგი ქვილითაია (90)

ჩიხურა (საჩხერე) – მერანი (მარტვილი)

9 დეკემბერი. ქუთაისი. ცენტრალური. 14:00

მსაჯები: თ. ხუჭუა, ზ. ფიფია, ზვ. ერქვანია, დ ხარიტონაშვილი (სათადარიგო)

პირველ წრეში – 2:3

ვიტ ჯორჯია (თბილისი) – სიონი (ბოლნისი)

9 დეკემბერი. მცხეთა. “მცხეთა პარკი.” 14:00

დისკვალიფიცირებული: შოთა დავლაშელიძე (“ვიტ ჯორჯია”)

მსაჯები: ლ. სილაგავა, დ. ჩიგოგიძე, ა. კოკაია, ხ. გაგნიძე (სათადარიგო)

პირველ წრეში – 1:1

ზუგდიდი – დინამო (თბილისი)

9 დეკემბერი. განმუხური. ცენტრალური. 14:00

დისკვალიფიცირებულები: ნიკოლოზ აფაქიძე (“ზუგდიდი”); გიორგი მერებაშვილი (“დინამო”)

მსაჯები: გ. ვადაჭკორია, ბ. ჭიჭინაძე, ლ. ვარამიშვილი, გ. კიკაჩეიშვილი (სათადარიგო)

პირველ წრეში – 0:3

გურია (ლანჩხუთი) – ტორპედო (ქუთაისი)

9 დეკემბერი. ქობულეთი. “ჩელე არენა.” 14:00

დისკვალიფიცირებულები: ნიკა ფირცხალავა, ნიკა ჭანტურია (“ტორპედო”)

მსაჯები: ლ. კვარაცხელია, ზ. ბერულავა, გ. ჩიგოგიძე, მ. ბეუქლიშვილი (სათადარიგო)

პირველ წრეში – 0:1

სპარტაკი (ცხინვალი) – მეტალურგი (რუსთავი)

9 დეკემბერი. თბილისი. “მიხეილ მესხი.” 14:00

დისკვალიფიცირებული: ლაშა ჩაფიძე (“სპარტაკი”)

მსაჯები: თ. გვანცელაძე, ზ. მენთეშაშვილი, გ. ელიკაშვილი, გ. ყრუაშვილი (სათადარიგო)

პირველ წრეში – 0:1

მეგოლეები:

11 - დიმიტრი ტატანაშვილი (2, “ჩიხურა”)

9 - ირაკლი მოდებაძე (2 პენ, “დილა”)

8 – დორინ გოგა (“დინამო”)

7 - ჩისკო (“დინამო”)

6 - თორნიკე კაპანაძე (“ტორპედო”), ვილი ისიანი (“გურია”)

5 - გიორგი კორიფაძე (“ვიტ ჯორჯია”), ჯაბა დვალი (“დინამო”)

4 – გიორგი მერებაშვილი (“დინამო”), ირაკლი ქობალია, საბა ლომია (“ზესტაფონი”), ელგუჯა ლობჯანიძე (“ვიტ ჯორჯია”) გრიგოლ დოლიძე (“დილა”), ჯამბულ ჯიღაური, ბესიკ დეკანოიძე (“ჩიხურა”), თენგიზ ჩიკვილაძე (2, “გურია”), ლადო ახალაია (“სიონი”)  

3 – ლაშა თოთაძე, გიორგი კახელიშვილი (“სიონი”), გიორგი გველესიანი, დავით კვირკველია (“დინამო”), შოთა ბაბუნაშვილი, ლაშა კუჭუხიძე (“მერანი”), ლუკა რაზმაძე, დავით კირკიტაძე (“მეტალურგი”), საბა ლომია (“ზესტაფონი”), ნიკა საბანაძე (“ტორპედო”), ალექსანდრე კოშკაძე (“გურია”), გიორგი გაბედავა (“ჩიხურა”)

  შენიშვნა: საქართველოს ფეხბურთის ფედერაციის დებულების თანახმად, უმაღლეს, პირველ და დუბლების ჩემპიონატებში თანაბარი ქულების დაგროვების შემთხვევაში, ადგილები შემდეგი პრიორიტეტული პრინციპით გაირკვევა:

- ჩემპიონატში უშუალოდ ურთიერთშეხვედრების შედეგები (ქულათა რაოდენობა და შემდეგ ბურთების უკეთესი სხვაობა. ბურთების ერთნაირი სხვაობის შემთხვევაში, უპირატესობა მიენიჭება გუნდს, რომელსაც ერთმანეთთან შეხვედრებში სტუმრად მეტი გოლი აქვს გატანილი);

-ჩემპიონატში მოგებათა მეტი რაოდენობა;

-ჩემპიონატში გატანილი და მიღებული ბურთების უკეთესი სხვაობა;

-ჩემპიონატში გატანილი გოლების მეტი რაოდენობა;

-ჩემპიონატის განმავლობაში, გუნდის მიერ მიღებული წითელ-ყვითელი ბარათების რაოდენობა (წითელი 3 ქულა, ყვითელი – 1 ქულა. თანაბარი ქულების დაგროვების შემთხვევაში, უპირატესობა მიენიჭება ნაკლებ წითელ ბარათს);

-თუ გუნდებს ეს მაჩვენებელიც თანაბარი აღმოაჩნდებათ, ადგილების გამოსავლენად მოეწყობა კენჭისყრა