სუპერლიგის ერთ-ერთ საუკეთესო გუნდ “ქუთაისი-2010”-ს ახალ, 2013-14 წლების სეზონში ახალი მთავარი მწვრთნელი ეყოლება.

 ამის შესახებ “მსოფლიო სპორტს” “ქუთაისი-2010”-ის პრეზიდენტმა, კოტე ჭეიშვილმა განუცხადა.

“დავით უსტიაშვილს, “ქუთაისი-2010”-ის მთავარი მწვრთნელის პოსტზე კონტრაქტი 2012-13 წლების სეზონის ბოლოს დაუმთავრდა. კლუბი უსტიაშვილს ახალ კონტრაქტს აღარ გაუფორმებს. “ქუთაისი-2010”-ის ახალი მთავარი მწვრთნელის ვინაობა რამდენიმე დღეში გახდება ცნობილი” – გვითხრა ჭეიშვილმა.

შეგახსენებთ, რომ უსტიაშვილი ამჟამად საქართველოს ეროვნული ნაკრების მთავარ მწვრთნელ, იგორ კოკოშკოვის პირველ თანაშემწედ და პარალელურად 20 წლამდელთა მთავარ მწვრთნელად მუშაობს.