კვიპროსზე დაიწყო ტურნირი პლაჟის ფეხბურთში, სადაც თემურ ქეცბაიაც თამაშობს. საქართველოს ნაკრების მწვრთნელის გარდა, პლაჟზე სათამაშოდ მიწვეულნი არიან “ანორთოსისის” ყოფილი ფეხბურთელები: პანაიოტუ, სოსინი, მალეკოსი და ასე შემდეგ.
როგორც “მსოფლიო სპორტი” წერდა, კვიპროსის პლაჟის ფეხბურთის ფედერაციამ რამდენიმე დღის წინ “ოქროს ბუცით” დააჯილდოვა ქეცბაია – კვიპროსულ ფეხბურთში გაწეული წვლილისთვის. მაშინ ფედერაციის პრეზიდენტმა განაცხადა, აქ 10 ქეცბაია რომ მუშაობდეს, კვიპროსული ფეხბურთი ბევრად წინ იქნებოდაო.
