2015 წლის ევროპის საკალათბურთო ჩემპიონატის შესარჩევ ციკლში მაყურებელთა დასწრების მხრივ საუკეთესო მაჩვენებელი თბილისის სპორტის სასახლეში ფიქსირდება.

კვირას ქართველი კალათბურთელების უნგრეთთან მატჩს 9 000 ქომაგი დაესწრო და ეს სარეკორდო მაჩვენებელია, მეორე ადგილზე კი ასევე თბილისური შეხვედრაა: 7 500 მაყურებელი საქართველო-ჩეხეთის თამაშზე.

როგორც სჩანს, საქართველოს კვალად, ევრობასკეტის საკვალიფიკაციო მატჩები ყველაზე დიდ ინტერესს ბოსნია-ჰერცეგოვინაში იწვევს.

ბოსნიელების ისლანდიასთან მატჩს ტუზლაში 7 000 გულშემატკივარი დაესწრო, სარაევოში კი დიდი ბრიტანეთის წინააღმდეგ მასპინძელთა საქომაგოდ 6 500 ქომაგი შეიკრიბა.

დასწრების მხრივ, მატჩების გამორჩეული ათეული

1. საქართველო – უნგრეთი 9 000 მაყურებელი

2. საქართველო – ჩეხეთი 7 500

3. ბოსნია-ჰერცეგოვინა – ისლანდია 7 000

4. ბოსნია-ჰერცეგოვინა – დიდი ბრიტანეთი 6 500

5. მაკედონია – ბელგია 5 500

6. დიდი ბრიტანეთი – ბოსნია-ჰერცეგოვინა 5 125

7. ლატვია – შვედეთი 5 214

8. პოლონეთი – გერმანია 5 200

9. მაკედონია – დანია 5 100

10. ლატვია – სლოვაკეთი 4 700