ქართველმა ჩოგბურთელებმა ანა ტატიშვილმა, ოქსანა კალაშნიკოვამა და მაკა ჩახნაშვილმა მიმდინარე კვირის საერთაშორისო ტურნირებში ასპარეზობა ნაადრევად დაასრულეს.
მექსიკაში, აკაპულკოს 220-ათასიანი ტურნირის მეოთხედფინალში ტატიშვილი და ამერიკელი ლილია ოსტერლო მე-4 ნომრად განთესილ სლოვენიურ-ჩეხურ დუეტთან (ჰერცოგი-ზაჰლავოვა სტრიჩოვა) 5:7, 2:6 დამარცხდნენ.
ასევე მეოთხედფინალში დაასრულეს ასპარეზობა კალაშნიკოვამა და ჩახნაშვილმა, რომელთაც მე-4 განთესვა გერმანიის ქალაქ ბიბერახში მიმდინარე 50-ათასიან ტურნირზე ჰქონდათ.
ქართულმა წყვილმა პოლონურ ტანდემთან (ბროზდა-კიშჩინსკა) 6:3, 4:6, 6:10 წააგო.