ძიუდოს საერთაშორისო ფედერაციამ გუშინ ახალი რეიტინგ-სია გამოაქვეყნა და მასში, საუკეთესო ათეულში ქართველთა რაოდენობა სამამდე გაიზარდა. 100 კილოგრამში მოჭიდავე ლევან ჟორჟოლიანს, დავით ასუმბანი (60 კგ) და ლევან წიკლაური (81 კგ) შეუერთდნენ.
ყველაზე დიდი ნახტომი რეიტინგში ასუმბანმა გააკეთა. პარიზის დიდი სლემის ჩემპიონობისთვის მიღებულმა 300-მა ქულამ იგი 41-ე ადგილიდან მე-10 ადგილამდე აღაზევა. ამჟამად ასუმბანის ანგარიშზე 400 სარეიტინგო ქულაა და ეს მარაგი სულ რაღაც ორ ტურნირზე გამოსვლით შეიქმნა. შეგახსენებთ, პარიზამდე დავითი თბილისის მსოფლიოს თასზე გაჩემპიონდა. ორი კვირის წინანდელ რეიტინგში, 60 კილოგრამის მეათე მოზიციას ამირან პაპინაშვილი იკავებდა, მაგრამ მას შარშანდელი პარიზული ტურნირის ვერცხლის პრიზიორობისთვის მიღებული 180 ქულა გაუნახევრდა და მე-17 პოზიციამდე დაეშვა.
უმსუბუქეს წონაში 24-ე ადგილს ნესტორ ხერგიანი იკავებს. თანამედროვე ქართული ძიუდოს ყველაზე უხვტიტულა წარმომადგენელმა წლეულს 66 კილოგრამში მოსინჯა ძალა, მაგრამ უშედეგოდ და კვლავ მშობლიურ წონაში დაბრუნება გადაწყვიტა. რეიტინგის გასაუმჯობესებლად და ნაკრების პირველნომრობის დასაბრუნებლად ხერგიანი 20 თებერვალს, დიუსელდორფის დიდ პრიზზე იბრძოლებს. ამ წონაში ნაკრების კანდიდატთაგან საკმაოდ დიდი ნახტომი გააკეთა პაატა მერებაშვილმა. პარიზულ ტატამზე გამომუშავებულმა 36-მა ქულამ იგი 98-ე ადგილიდან 33 საფეხურით დააწინაურა.
ყველაზე დაბალი რეიტინგი საქართველოს ნაკრების კანდიდატებს 66 და 73 კილოგრამებში აქვთ. ამ წონებში მოჭიდავე ქართველებმა ვერც ბოლო ორ კვირაში იყოჩაღეს და ისევ ოცეულს მიღმა რჩებიან. 66-ში შალვა ქარდავა 28-ე პოზიციაზე დგას, 73-ში კი ზაზა კედელაშვილი 26-ე ადგილს იკავებს.
81 კილოგრამში დიდი სლემის ფინალისტობამ ლევან წიკლაურს 180 ქულა შემატა და მე-15 ადგილიდან ათეულამდე ასწია. 90-ში ქართველთათვის საინტერესო მხოლოდ ვარლამ ლიპარტელიანის 2 პოზიციით დაქვეითება იყო. მას შარშანდელი პარიზული 120 ქულა გაუნახევრდა და მე-20 ადგილზე ჩაინაცვლა.
ლევან ჟორჟოლიანი 100 კილოგრამის განახლებულ რეიტინგ-სიაში ისევ მე-10 ადგილზეა. ამ წონაში, დიდი სლემის ხუთეულში მოხვედრამ ირაკლი ცირეკიძე 13 საფეხურით დააწინაურა და ამჟამად იგი 28-ე ადგილზეა. მძიმეწონოსანი ზვიად ხანჯალიაშვილი კი ასევე პარიზულმა ხუთეულმა ოცეულის ფსკერიდან მე-17 ადგილამდე ასწია.
20-21 თებერვალს მორიგ საერთაშორისო ტურნირს გერმანია უმასპინძლებს. დიუსელდორფის დიდი პრიზის ჩემპიონები 200 ქულას მიიღებენ, ვერცხლის და ბრინჯაოს პრიზიორები - 120 და 80 ქულას. დებულების თანახმად, ქულები საწყის ეტაპზე დამარცხებულებსაც დაერიცხებათ.
აქვე შვიდივე წონითი კატეგორიის საუკეთესო ხუთეულს და რეიტინგში მოხსენიებულ ქართველთა სიას გთავაზობთ.


60 კგ
1 ჰიროაკი ჰირაოკა (იაპონია)                   980
2 რიშოდ სობიროვი (უზბეკეთი)           962
3 გიორგი ზანთარაია (უკრაინა)            902
4 მასააკი ფუკუოკა (იაპონია)                 720
5 ლუდვიგ პაიშერი (ავსტრია)              712
10 დავით ასუმბანი                                  400
17 ამირან პაპინაშვილი                           358
24 ნესტორ ხერგიანი                               212
41 ბეთქილ შუკვანი                                 104
56 ლევან ჩუბინიძე                                   70
65 პაატა მერებაშვილი                            56
92 სოსო ნიჟარაძე                                     28

66 კგ
1 ცაგაანბაატარ ხაშბაატარი(მონღოლეთი)    1200
2 სანიასურენ მიარაგჩა (მონღოლეთი)            912
3 ალიმ გადანოვი (რუსეთი)                                 812
4 სუგოი ურიარტე (ესპანეთი)                            784
5 იო-ჩინ კიმი (სამხრეთ კორეა)                           780
28 შალვა ქარდავა                                               172
67 ზაზა კედელაშვილი                                      60
98 ნესტორ ხერგიანი                                          30
104 სანდრო იაკობაშვილი                               26
104 გიორგი ფერსაშვილი                                26
113 მიხეილ ხომიზური                                    20
141 მინდია ხომიზური                                      8

73 კგ
1 კი-ჩუნ ვანი (სამხრეთ კორეა)             1630
2 დირკ ვან ტიჩელტი (ბელგია)             1024
3 გუი-მან ბანგი (სამხრეთ კორეა)         980
4 მანსურ ისაევი (რუსეთი)                     830
5 ჟილ ბონომი (საფრანგეთი)                 532
26 ზაზა კედელაშვილი                            170
62 დავით ქევხიშვილი                             60
64 დავით კუპრაშვილი                            60
71 თენგიზ პაპოშვილი                             56
74 მიხეილ ხომიზური                             50
133 დავით კობერიძე                               12
189 ამბაკო ავალიანი                                4

81 კგ
1 ჯაე-ბუმ კიმი (სამხრეთ კორეა)                1150
2 ივან ნიფონტოვი (რუსეთი)                       1120
3 სერგეი შუნძიკაუ (ბელარუსი)                 700
4 ოლე ბიშოფი (გერმანია)                             556
5 იან ბარტონი (ბრიტანეთი)                       522
10 ლევან წიკლაური                                       456
25 ხვიჩა ხუციშვილი                                      214
79 იოსებ წელაური                                          40
79 დავით კარბელაშვილი                            40
98 გრიგოლ შინჯიკაშვილი                         26
102 საბა გავაშელიშვილი                           22
126 გიორგი ბაინდურაშვილი                    8

90 კგ
1 ტაკაში ონო (იაპონია)                            1450
2 კირილ დენისოვი (რუსეთი)                940
3 დილშოდ ჩორიევი (უზბეკეთი)          860
4 კიუ-ვონ ლი (სამხრეთ კორეა)              716
5 ჰეშამ მესბაჰი (ეგვიპტე)                        700
20 ვარლამ ლიპარტელიანი                     192
27 მინდია ბოდაველი                               170
53 ზვიად გოგოჭური                                 70
53 გრიგოლ მამრიკიშვილი                     70
66 საბა გავაშელიშვილი                         52
99 ლაშა გურული                                      16

100 კგ
1 ტაკამასა ანაი (იაპონია)                             1166
2 ჰი-ტაე ჰვანი (სამხრეთ კორეა)                1048
3 ელკო ფან დერ ხესტი (ჰოლანდია)        900
4 მაქსიმ რაკოვი (ყაზახეთი)                       876
5 რამადან დარვიში (ეგვიპტე)                  820
10 ლევან ჟორჟოლიანი                               408
28 ირაკლი ცირეკიძე                                    144
43 დავით ლორიაშვილი                             70
52 რევაზ ჩიკოიძე                                         60
56 ნოდარ მეტრეველი                               58
98 დიმიტრი ტურაშვილი                         8

+100 კგ
1 ტედი რინერი (საფრანგეთი)                    1350
2 აბდულო ტანგრიევი (უზბეკეთი)            760
3 კეიჯი სუძუკი (იაპონია)                              728
4 მარტინ პადარი (ესტონეთი)                     648
5 გრიმ ვუისტერსი (ჰოლანდია)                  606
17 ზვიად ხანჯალიაშვილი                     280
21 ადამ ოქრუაშვილი                               258
28 ლაშა გუჯეჯიანი                                 146
60 ნოდარ მეტრეველი                             40
80 გიგა გუბელაძე                                     16
ოთარ მაღლაკელიძე