ახალგაზრდა იტალიელი ნახევარმცველის, მარკო ვერატის აგენტი მიიჩნევს, რომ მისი კლიენტი ფრანგულ პსჟ-ს უახლოეს მომავალში არ დატოვებს.
“პსჟ ვერატის იანვარში არ გაყიდის. ამ ეტაპზე, ჩემი კლიენტი გუნდის ერთ-ერთი წამყვანი ფეხბურთელია და ის სამუშაო ადგილის შეცვლაზე არ ფიქრობს.
ვფიქრობ, ტრანსფერი არც მომდევნო ზაფხულში განხორციელდება. პსჟ-ს თამაში, დიდწილად, ვერატის გარშემოა აგებული და პარიზელები ერთ-ერთი ლიდერის გაყიდვაზე არ ფიქრობენ.” – ციტირებს დი კამპლის სიტყვებს Football Italia.
შეგახსენებთ, რომ გასულ ზაფხულში, ვერატიმ პსჟ-სთან ახალი კონტრაქტი გააფორმა, თუმცა მისი სამშობლოში შესაძლო დაბრუნების შესახებ ცნობების გავრცელება არ წყდება.
