უახლოეს პერიოდში, “ნიუკასლის” ნახევარმცველი იოან კაბაიე კონტრაქტს “პარი სენ-ჟერმენთან” გააფორმებს. ამის შესახებ ფრანგული და ბრიტანული მედიასაშუალებები იუწყებიან.

რამდენიმე დღის წინათ, ფრანგებმა ინგლისელებს 28 წლის ფეხბურთელის სანაცვლოდ 14 მილიონი გირვანქა სტერლინგი შესთავაზეს, მაგრამ პასუხად უარი მიიღეს. მოგვიანებით, პარიზელთა წინადადება 19 მილიონამდე გაიზარდა და “კაჭკაჭებიც” დაკმაყოფილდნენ.

სავარაუდოდ, კაბაიე პსჟ-სთან 2.5-წლიან კონტრაქტს მოაწერს ხელს.