“პარი სენ-ჟერმენის” ხელმძღვანელობა მთავარი მწვრთნელის პოსტზე ლორან ბლანის მუშაობით კმაყოფილია და მის შეცვლას არ გეგმავს. მეტიც, უახლოეს პერიოდში, ფრანგი პარიზელებთან ახალ კონტრაქტს გააფორმებს.

“ბლანი პსჟ-ში რჩება. მალე, მასთან კონტრაქტს გავახანგრძლივებთ”, - განუცხადა პსჟ-ს მფლობელმა ნასერ ალ-ჰელაიფიმ ფრანგულ პრესას.

შეგახსენებთ, რომ ბლანის დამოძღვრილმა პარიზელებმა უეფას ჩემპიონთა ლიგის 1/4-ფინალის საგზური უკვე მოიპოვეს. გარდა ამისა, დიდი ალბათობით, პსჟ საფრანგეთის ჩემპიონატის მიმდინარე სეზონსაც პირველ ადგილზე დაასრულებს.