SKy Sporti-ის მიხედვით, ინგლისის პრემიერლიგის აგვისტოს თვის საუკეთესო ფეხბურთელად, ლონდონის "ჩელსის" ახალწვეული დიეგო კოშტა დასახელდა, საუკეთესო მწვრთნელის წოდება, უელსური "სუონსის" თავკაცმა გარი მონქმა დაიმსახურა.

დიეგო კოშტამ, პრემიერლიგის სამივე მატჩში მოახერხა გოლის გატანა: "ბარნლისთან" და "ლესტერთან" თავი თითოჯერ გამოიჩინა, ხოლო "ევერტონთან", ესპანელმა დუბლის შესრულება შეძლო.

რაც შეეხება გარი მონქს, ინგლისელი სპეციალისტის დამოძღვრილმა "სუონსიმ", პრემიერლიგაში "მანჩესტერ იუნაიტედის", "ბარნლის" და "ვესტ ბრომვიჩის" დამარცხება მოახერხა და "არისტოკრატებთან" ერთად, 9 ქულით პირველ-მეორე ადგილს იყოფს.

აქვე, იმასაც შეგახსენებთ, რომ ჟოზე მოურინიოს და გარი მონქის დამოძღვრილი გუნდები ერთმანეთს ხვალ, "სტემფორდ ბრიჯზე" დაუპირისპირდებიან.

გიორგი ბალახაძე