“სკუადრა აძურას” მთავარმა მწვრთნელმა ჩეზარე პრანდელიმ იტალიის ფეხბურთის ფედერაციასთან კონტრაქტი 2016 წლამდე გაახანგრძლივა.

“ბოდიშს ვიხდი პრესკონფერენციაზე დაგვიანებისთვის. ეს იმას უკავშირდება, რომ ცოტა ხნის წინ კონტრაქტი გავახანგრძლივე” – თქვა პრანდელიმ ჟურნალისტებთან საუბარში.

56 წლის პრანდელი იტალიის ეროვნულ გუნდს 2010 წლიდან ავარჯიშებს. მანამდე, ის 5 წლის განმავლობაში “ფიორენტინას” ხელმძღვანელობდა.

მისი ხელმძღვანელობით იტალიის ნაკრებმა 2012 წელს ევროპის ჩემპიონატზე ვერცხლის მედალი მოიგო, ხოლო 2013-ში კონფედერაციათა თასზე – ბრინჯაოსი.