იტალიის ნაკრების მთავარმა მწვრთნელმა ჩეზარე პრანდელიმ ამხანაგურ მატჩში ესპანეთთან სტუმრად წაგების (0:1) შემდეგ ჟურნალისტებს უთხრა, რომ თავისი გუნდისგან უკეთეს თამაშს ელოდა.
“საბოლოო შედეგი მნიშვნელოვანწილად გუნდების ფუნქციონალურ მომზადებაში არსებულმა სხვაობამ განაპირობა. ამ ასპექტში ჩემი გუნდით იმედგაცრუებული დავრჩი. გარდა ფუნქციონალური მომზადებისა, ესპანელებმა ტექნიკაშიც აშკარად გვაჯობეს და წარმატების პატარა შანსიც არ დაგვიტოვეს. საბედნიეროდ, მსოფლიოს ჩემპიონატამდე საკმაო დრო გვრჩება ნაკლოვანებების გამოსასწორებლად” – განაცხადა პრანდელიმ.
