შესაძლოა, ლონდონის “არსენალის” თავდამსხმელმა ლუკას პოდოლსკიმ “სევილიას” მიაშუროს. 29 წლის გერმანელმა “ტვიტერის” საშუალებით გაავრცელა განცხადება, რომ “სევილიაში” მიდის. მოგვიანებით, პოდოლსკიმ ნაწერი უარყო, მაგრამ ესპანელმა ჟურნალისტებმა განცხადებისთვის ფოტოს გადაღება მაინც მოასწრეს.
ანდალუსიელთა ფორვარდი კარლოს ბაკა მადრიდის “ატლეტიკოს” ინტერესთა სფეროშია და დიდი ალბათობით, დიეგო სიმეონეს გუნდს მიაშურებს. სევილიელები პოდოლსკის სწორედ მის შემცვლელად განიხილავენ.
აღსანიშნავია, რომ პოდოლსკის აგენტები სევილიელებთან კავშირს უარყოფენ.
