“საუთჰემპტონის” მთავარმა მწვრთნელმა მაურისიო პოჩეტინომ, “მანჩესტერთან” პრემიერლიგის მატჩის წინ გამართულ პრესკონფერენციაზე,  მეტოქე გუნდიდან უეინ რუნის თამაში გამოჰყო და მას ფანტასტიური ფეხბურთელი უწოდა.

,,უეინ რუნის თამაშით აღფრთოვანებული ვარ, იგი უდიდესი ფეხბურთელია, მოედანზე ყოფნისას ყველანაირ ვითარებაში პოულობს გამოსავალს, აქვს ნებისმიერ სიტუაციაში გადაწყვეტილების მიღების უნარი. მას კრისტიანო რონალდუსა და ლიონელ მესის გვერდით ვაყენებ, რუნი მათსავით უმაღლესი კლასის ფეხბურთელია. ასე რომ, ,,ოლდ ტრაფორდზე’’ ურთულესი შეხვედრა გველის’’_განაცხადა პოჩეტინომ.

მატჩი დღეს საღამოს გაიმართება. პოჩეტინოს შეგირდები სატურნირო ცხრილში მეოთხე ადგილზე იმყოფებიან და ოთხი ქულით უსწრებენ მოიესის გუნდს, რომელიც მეცხრე ადგილზეა.

დიმიტრი შარიქაძე