უეფას პრეზიდენტი მიშელ პლატინი მიიჩნევს, რომ ფეხბურთელთა ტრანსფერების კერძო საინვესტიციო კომპანიების ან აგენტების მფლობელობაში ყოფნა ფეხბურთს დიდ ზიანს აყენებს. მან მისაბაძ მაგალითად დაასახელა ინგლისის პრემიერლიგა, სადაც ოფიციალურად აკრძალულია იმ ფეხბურთელთა დარეგისტრირება, რომელთა სატრანსფერო უფლებები მესამე პირთა საკუთრებას წარმოადგენს.
“მსგავსი პრაქტიკის გაუქმება აუცილებელია. თუკი ამ საკითხში ფიფა არ იაქტიურებს, პრობლემის მოგვარებას ჩვენ დავიწყებთ უეფას ეგიდით გასამართ ტურნირებზე. უეფას აღასრულებელ კომიტეტს უკვე აქვს პრინციპული პოზიცია ამ პრობლემასთან მიმართებაში, რომლის განვითარება და პრაქტიკაში გამოყენება შესაძლებელია” – აცხადებს პლატინი.
