კონფედერაციის თასის მე-3 ადგილისთვის მატჩში, იტალიის ეროვნულ ნაკრებს ურუგვაისთან დაპირისპირებაში ანდრეა პირლო და ანდრეა ბარცალი ვერ დაეხმარებიან. Football Italia-ს ცნობით, ორივე მათგანს ჯანმრთელობასთან დაკავშირებული პრობლემები აწუხებს.
“პირლოს კუნთი აწუხებდა, მაგრამ ტკივილს გაუმკლავდა და ესპანეთთან სრული მატჩი ჩაატარა. მწვრთნელთან კონსულტაციის შემდეგ, გადავწყვიტეთ, მას გავუფრთხილდეთ და დასვენების საშუალება მივცეთ. ბარცალისაც მცირე ტრავმა აქვს და არც მის შემთხვევაში გავრისკავთ”, - განაცხადა ექიმმა ენრიკო კასტელაჩიმ.
ცნობისათვის, იტალიელები ურუგვაელებს კვირას დაუპირისპირდებიან.
