“ბარსელონას” მცველი ხერარდ პიკე მადრიდის “რეალთან” მოახლოებულ დაპირისპირებას ძალიან დიდ მნიშველობას ანიჭებს. კლუბის ოფიციალურ საიტთან საუბრისას პიკემ  აღნიშნა, რომ  ,,ელ კლასიკოს’’  მატჩი 6 ქულის ტოლფასია, ამიტომ ფეხბურთელები ორმაგად მოტივირებულნი იქნებიან.

,,ბარსელონასა” და  “რეალის” დაპირისპირებას ყოველთვის განსაკუთრებული მნიშვნელობა ენიჭება, გამონაკლისი არც შაბათის შეხვედრა იქნება. ბოლო წლებში ესპანეთის უპირველესი გუნდი სწორედ ამ მატჩში ირკვევა. ვფიქრობ, ამ მხრივ არც ეს სეზონი იქნება გამონაკლისი’’ _ განაცხადა პიკემ.

შეგახსენებთ, ,,ელ კლასიკო’’ შაბათს, 26 ოქტომბერს, ,,კამპ ნოუზე’’  გაიმართება. სატურნირო ცხრილში,  “ბარსელონა” 25 ქულით პირველ ადგილზეა და 3 ქულით უსწრებს “რეალს”, რომელიც მესამე პოზიციაზეა.

დიმიტრი შარიქაძე