მადრიდის “რეალის” მცველ პეპეს უეფას ჩემპიონთა ლიგის ფინალში თამაშის იმედი არ დაუკარგავს. “დორტმუნდთან” მარცხის შემდეგ (1:4), პორტუგალიელმა “სამეფო კლუბის” ოფიციალური საიტისთვის კომენტარი გააკეთა და მადრიდელი ქომაგების დამშვიდება სცადა.

“ცხადია, შედეგით უკმაყოფილონი ვართ, მაგრამ “რეალს” საპასუხო მატჩში ყველაფრის თავდაყირა დაყენება შეუძლია. ამისათვის, “სანტიაგო ბერნაბეუზე” 3 გოლი უნდა გავიტანოთ. ეს არცთუ შეუძლებელი მისიაა. ეს აქამდე არაერთხელ გაგვიკეთებია. მთავარია, მატჩი ისე არ დავიწყოთ და ისეთი შეცდომები არ გავიმეოროთ, როგორც დორტმუნდში გვქონდა. ამ შემთხვევაში, ფინალში გავალთ. “ბერნაბეუზე” ისე უნდა ვითამაშოთ, თითქოს ეს უკანასკნელი მატჩი იყოს”, - განაცხადა პეპემ.

“რეალისა” და “დორტმუნდის” საპასუხო მატჩი შემდეგ კვირაში შედგება.