ესპანური “მალაგას” მთავარმა მწვრთნელმა, მანუელ პელეგრინიმ, შესაძლოა, ჩემპიონთა ლიგის 1/4-ფინალის განმეორებით შეხვედრაში გუნდს ვერ უხელმძღვანელოს. ამის მიზეზი ჩილელი სპეციალისტის ოჯახური პრობლემაა.
ფრანგული France Football-ის ცნობით, ცოტა ხნის წინათ, პელეგრინის მამა დაეღუპა. “მალაგას” მთავარი მწვრთნელი სამშობლოში შაბათს, “სოსიედადთან” გამართული მატჩის შემდეგ გაემგზავრა და ჯერჯერობით უცნობია, მოასწრებს თუ არა ის სამშაბათამდე ესპანეთში დაბრუნებას.
