“მანჩესტერ სიტის” მთავარმა მწვრთნელმა მანუელ პელეგრინიმ ერთ-ერთ ბრიტანულ სპორტულ გამოცემასთან ინტერვიუში განაცხადა, რომ ჯო ჰარტი ძირითად შემადგენლობაში დასაბრუნებლად მზადაა. მანჩესტერელთა გოლკიპერი სასტარტო განაცხადს თითქმის ორთვიანი პაუზის შემდეგ, წუხელ დაუბრუნდა, “ფულემის” წინააღმდეგ ჩატარებულ მატჩში (4:2) და მწვრთნელის მოწონებაც დაიმსახურა.
“მან მინდორზე გასვლა დაიმსახურა და ძირითად შემადგენლობაში ადგილის შენარჩუნებასაც იმსახურებს. იყო რისკი, რომ ამხელა პაუზის შემდეგ გაუჭირდებოდა, მაგრამ დაკისრებულ ამოცანას თავი მშვენივრად გაართვა. შემიძლია ახლავე გითხრათ, რომ ჰარტი მომავალ შეხვედრასაც ჩაატარებს” – აღნიშნა პელეგრინიმ.
