“ბარსელონას” თავდამსხმელს, პედრო როდრიგესს იმედი აქვს, რომ კატალონიური გუნდის მეკარე ვიქტორ ვალდესი წასვლას გადაიფიქრებს.

საიდუმლო არავისთვისაა, რომ ვალდესს კონტრაქტის ვადის ამოწურვის შემდეგ “ბარსელონას” დატოვება აქვს გადაწყვეტილი, ხელშეკრულება კი მიმდინარე სეზონის ბოლოს იწურებს. ცოტა ხნის წინათ, 31 წლის კიპერის დარჩენის იმედი კლუბის პრეზიდენტმა, სანდრო როსელმა გამოთქვა, რომელსაც პედროც შეუერთდა.

“ვალდესს უნდა ჰკითხოთ, შესაძლებელია თუ არა მისი გადარწმუნება. რა თქმა უნდა, ყველა ჩვენთაგანს სურს, რომ ვიქტორი დარჩეს, რადგან ის გუნდისთვის იდეალური მეკარეა. ის ამას უკვე მრავალი წელია ამტკიცებს.

ვიქტორი მსოფლიოს ერთ-ერთი საუკეთესო მეკარეა. თუ ის წავა, ძალიან დაგვაკლდება, რადგან ვალდესი გასახდელში დაფასებული ადამიანია.” – ციტირებს პედროს სიტყვებს Mundo Deportivo.