“ბარსელონას” 26 წლის თავდამსხმელი პედრო როდრიგესი აცხადებს, რომ ის კატალონიური გუნდის დატოვებას არ აპირებს.
ბოლო დროს გავრცელებული ინფორმაციის თანახმად, “ლივერპული” და “არსენალი” პედროს ინგლისში იწვევდნენ, მაგრამ როგორც ჩანს, ესპანელს გუნდის გამოცვლის სურვილი არ აქვს.
“ბარსელონაში” თავს კარგად ვგრძნობ და მშვიდად ვარ. ამ გუნდში დარჩენას და სეზონის წარმატებით დასრულებას ვგეგმავ. იმედი მაქვს, ასეც მოხდება და ჩემპიონის ტიტულს მოვიგებთ.” – აცხადებს პედრო, რომელმაც ლა ლიგის მიმდინარე გათამაშებაში, 16 თამაშში, 10 გოლი გაიტანა.
