ბრაზილიის ეროვნული ნაკრების ნახევარმცველი პაულინიო სულ მალე გახდება ლონდონის “ტოტენჰემის” ფეხბურთელი. BBC-ის ცნობით, “კორინთიანსის” შუახაზელი უკვე ინგლისში იმყოფება.
უახლოეს პერიოდში, პაულინიო მთავარ მწვრთნელ ანდრე ვილაშ-ბოაშსა და პრეზიდენტ დანიელ ლევის შეხვდება. სავარაუდოდ, ნახევარმცველი კონტრაქტს ხელს პარასკევს მოაწერს. დიდი ალბათობით, ხელშეკრულება 4 ან 5-წლიანი იქნება.
“ტოტენჰემს” პაულინიოს ტრანსფერი 17 მილიონი გირვანქა სტერლინგი დაუჯდება.
