ამსტერდამის “აიაქსის” სპორტული დირექტორი მარკ ოვერმარსი უარყოფს გავრცელებულ ინფორმაციას, რომლის თანახმადაც, “დორტმუნდმა” ჰოლანდიელებს კრისტიან ერიკსენის ტრანსფერის ტაობაზე ოფიციალურად მიმართეს.
აქამდე არსებული ინფორმაციით, “დორტმუნდის” ხელმძღვანელობა “ბაიერნში” წასული გიოტცეს შეცვლის უმთავრეს კანდიდატად “აიაქსის” 21 წლის დანიელ შემტევ ნახევარმცველს, კრისტიან ერიკსენს განიხილავდა. დანიური პრესის ცნობით, გერმანელებმა ამსტერდამელებს კონკრეტული წინადადებით მიმართეს და ერიკსენის სანაცვლოდ 12 მილიონი ევრო შესთავაზეს.
“დანიურ პრესას შეუძლია სხვადასხვა ჭორი გაავრცელოს. სინამდვილეში, დორტმუნდელთაგან არანაირი ოფიციალური წინადადება არ მიგვიღია.” – აცხადებს მარკ ოვერმარსი.
