იტალიური “რომას” არგენტინელი ფორვარდი პაბლო ოსვალდო მომავალ სეზონს ინგლისის პრემიერლიგაში, “საუთჰემპტონში” დაიწყებს.

ინგლისური კლუბის ოფიციალური საიტის ცნობით, 27 წლის ფეხბურთელმა, რომელსაც იტალიური პასპორტი აქვს და ამ ქვეყნის ეროვნულ გუნდში თამაშობს, “საუთჰემპტონთან” ოთხწლიანი კონტრაქტი გააფორმა.

გავრცელებული ინფორმაციით, რომაელებმა ამ ტრანსფერის სანაცვლოდ 18 მილიონი ევრო მიიღეს. ოსვალდოს ახალ კლუბში ოფიციალურად დღეს წარადგენენ და თუ მწვრთნელი ისურვებს, ახალ გუნდში დებიუტი 24 აგვისტოს “სანდერლენდთან” მატჩში ექნება.