ლონდონის “ჩელსიში” მოთამაშე ბრაზილიელი ახალგაზრდა ფეხბურთელი, ოსკარი ამბობს, რომ იგი საკუთარი წარმომავლობითა და ბრაზილიელობით ძალიან ამაყობს, თუმცა ბრაზილიელების თავქარიანობა და მხოლოდ დღევანდელი დღით ცხოვრება, ხშირად ძალიან უშლის ნერვებს.
მისი აზრით, ბრაზილიელების მხიარული ბუნება მსოფლიოში ბევრს მოსწონს და მის სამშობლოში ტურისტების მატების ერთ-ერთი მიზეზი ბრაზილიელი ხალხის კეთილგანწყობაცაა, მაგრამ ოსკარი იმასაც ამბობს, რომ მისი ქვეყნის ეკონომიკურ წინსვლას თავქარიანობა ძალიან უშლის ხელს.
”ბრაზილიელი ბრაზილიელია და რასაკვირველია ბოლომდე ვერასოდეს დაემსგავსება ევროპელს. მაგრამ, ბევრი რამ ევროპელებისგან რომ გვაქვს სასწავლი – ცხადია. ბრაზილიელის ცხოვრება გართობაა, როდესაც ევროპელი შვილების მომავალზე თავიდანვე ფიქრობს. ვფიქრობ ამ კუთხით ბევრი რამ გვაქვს სასწავლი” – ამბობს ოსკარი.
