ესპანურმა “ოსასუნამ” მთავარი მწვრთნელის პოსტიდან დათხოვნილ ხოსე ლუის მენდილიბარს შემცვლელი მალე მოუძებნა. ამიერიდან, პამპლონელებს 43 წლის სპეციალისტი ხავი გრასია გაწვრთნის.
ხავი გრასიამ, რომელსაც “ვალიადოლიდში”, “სოსიედადსა” და “ვილიარეალში” უთამაშია, სამწვრთნელო კარიერა 2004 წელს, “ვილიარეალის” ახალგაზრდულ გუნდში დაიწყო. მას შემდეგ, მან “პონტევედრაში”, “კადისში”, “ვილიარეალ ბ”-ში, ვოლუს “ოლიმპიაკოსში”, “კერკირასა” და “ალმერიაში” იმუშავა.
