ქართველმა ოქსანა კალაშნიკოვამ და უკრაინელმა ოლგა სავჩუკმა აშშ-ს ღია პირველობის წყვილთა ბადეში პირველი გამარჯვება იზეიმეს.
კალაშნიკოვამ და სავჩუკმა შვეიცარიელ რომინა ოპრანდისთან და ამერიკელ შელბი როჯერსთან თამაშისას პირველი სეტი კი დათმეს, თუმცა, საბოლოოდ, 2:6, 6:1, 6:0 მოიგეს.
მე-2 წრეში ქართველი და უკრაინელი ჩოგბურთელების მეტოქე ჯერაც არ გარკვეულა. ოქსანა და ოლგა ამერიკელი სერენა და ვენუს უილიამსების და მე-7 ნომრად განთესილ უნგრულ-ფრანგულ დუეტს (ბაბოში-მლადენოვიჩი) შორის უმჯობესს გაეჯიბრებიან.
