შესაძლოა, “ვოლფსბურგის” ფორვარდი ივიცა ოლიჩი მომდევნო სეზონიდან ინგლისის პრემიერლიგაში გადაბარგდეს. 34 წლის ხორვატის თქმით, მას ნისლიან ალბიონზე თამაშის შანსი აქვს.
“შემიძლია, “ვოლფსბურგთან” კონტრაქტი წელიწადით გავახანგრძლივო. ეს გერმანელებმა უკვე შემომთავაზეს. ჯერ არ ვიცი, დავრჩები თუ წავალ. ახალგაზრდობაში, პრემიერლიგაში თამაშზე ვოცნებობდი, მაგრამ ამის რეალური შანსი არ მქონია. ახლა, ამ ასაკში, ეს შანსი გამომიჩნდა. “არსენალის”, “ჩელსისა” და “ლივერპულის” წინააღმდეგ თამაში მშვენიერი იქნება”, - განაცხადა ხორვატმა WAZ-თან ინტერვიუში.
შეგახსენებთ, რომ ოლიჩს “ვოლფსბურგთან” კონტრაქტი ზაფხულში ეწურება.
