მილანის “ინტერმა” ყაზანის “რუბინისგან” ნახევარმცველი იან მ’ვილა იჯარით აიყვანა. ამ ინფორმაციას “ნერაძურის” ოფიციალური საიტი ადასტურებს.

გარიგების ფინანსური დეტალები, ჯერჯერობით, უცნობია. იტალიური მედიის ვარაუდით, მილანელებს წელიწადიანი იჯარა 2.5 მილიონი ევრო დაუჯდათ. სეზონის ბოლოს, “ინტერს” მ’ვილას გამოსყიდვის უპირატესი უფლება ექნება.

შეგახსენებთ, რომ “რუბინში” გადასვლამდე, მ’ვილა 4 წლის განმავლობაში “რენში” თამაშობდა.